Sii u mir – aues i auem

.

Si säge aus grau                  i gseh so viu Farbe

si säge schnäu schnäu         doch mit Zyt söttsch nid darbe

si säge aus nöi                      bi geng no dr Gliich

si säge für Angeri                 mi düechts meh für sich

.

Si si ja d’Experte                   i hiufe nid wette

si däiche im Dunkle             mir tüe drüber munkle

si verspräche viu Schöns    i gseh nid viu drvoo

si säge itz ändlech              i finge itz o no!

.

Si si a dr Macht                  aber wär z letscht lacht…

si hoffe uf Ghorsam           so fürcht’i dr Ungergang

si fürchte Charakter          mir liebe Freiheit

si wünsche ei Gsinnig       mir Viufaut in Einheit

.

Si erfinge Programm        mir mache se mit

si blibe nid lang                hei mir äch no Zyt?

si si gärn am scheffle      mir si gärn uf Ärde

doch si si o Mönsche….

                                       u o mir chöi se wärde…

.

….Si chöi mir emau –      s‘ isch nid aues grau!

.