Frei und (oder) willig

• Es tuet mir ächt weh
  wen’i wie itz mues gseh
  wi mir so viu wärtvous
  freiwillig ufgäh.
  .
• U iistimme i Chor
  wo doch kene versteit
  nume wiu o di angre
  u wiu Gägewind wäit.
  .
• U o wäg derä Angscht
  wo me no tuet befüüre
  dr Verstand links laht lige
  u ds Härz laht la gfrüüre.
  .
• U me denä ar Macht
  aus git für üs z‘ länke
  nid nume d‘ Freiheit
  sogar üses Dänke.
  .
• Wär het no dr Mumm
  sich säuber z‘ vertroue
  oder wär kennt no Dä
  wo är druf wagt z’boue?
  .
• Mir lö üs la füehre
  u lö für üs dänke.
  Wei mir dr frei Wille
  uf ds Chäschtli beschränke?
  .
• Wär fougt wird belohnt
  däm säg‘ i Vegetiere.
  Verantworteti Freiheit
  wei mir nid verliere!
  .
• Was ds heere Ziel isch
  mir hei’s i de Häng
  Freiheit, Verantwortig
  oder Zucker u Zwäng.